Dr. Zaidi apne bistar par baithe the, unke chehre par nakaahat thi. Unki umar takreeban pachaapan saal ke aas paas thi. Meiz par bohot si dawaaien rakhi hui thi. Unki begum bhi saath bethi koi risala dekh rahi thi. Achanak Dr. Zaidi ne kaha, “Dastak suni?”
Dr. Zaidi apne bistar par baithe the, unke chehre par nakaahat thi. Unki umar takreeban pachaapan saal ke aas paas thi. Meiz par bohot si dawaaien rakhi hui thi. Unki begum bhi saath bethi koi risala dekh rahi thi. Achanak Dr. Zaidi ne kaha, “Dastak suni?”
Begum ne nafi mein gardan hilaai, magar Dr. Zaidi ko musalsal dastak ki awaaz sunai deti rahi. Unhone begum ko zabardasti darwaze tak jane ke liye kaha.
Begum pehle to taal matol karti rahi, magar phir tang aakar darwaze tak gayi. Wahan koi nahi tha, magar Dr. Zaidi ab bhi darwaze par dastak hone par zor dete rahe. Begum Zaidi ne kaha, “Jab Dr. Burhan aayenge, to main unhe aapke is waham ke baare mein bataungi.”
Kuch der baad darwaze ki ghanti baji. Dr. Zaidi ne kaha, “Ab to aaya hai koi.”
Dastak دستک
Begum boli, “Shaayad Dr. Burhan aaye hain.”
Begum ne darwaza khola aur Dr. Burhan andar aakar Dr. Zaidi ke kareeb baith gaye. Begum Zaidi chai banakar layi aur Dr. Burhan ko Dr. Zaidi ke waham ke baare mein batate hue kaha, “Burhan beta! Aaj inhein baar baar yahi khayal aa raha hai. Maine kaha bhi ke shaayad tez hawa ki wajah se shor ho raha hai, magar ye maante hi nahi. Do martaba mujhe darwaze par bheja hai.”
Dr. Zaidi darmiyan mein bole, “Aur wahan koi nahi tha?”
Begum ne kaha, “Koi bhi nahi tha.”
Dr. Burhan ne poocha, “Dr. Sahib! Kya main aapke is waham ke baare mein jaan sakta hoon?”
Dr. Zaidi ne Dr. Burhan ko mukhatib kiya, “Burhan beta!”
Dr. Burhan kareeb hoke bole, “Kahiye!”
Dr. Zaidi ne tafseel se batana shuru kiya, “Aaj se 18-20 saal pehle ka waqiya hai. Us waqt meri practice bohot achi chal rahi thi. Sar khujane ki bhi fursat nahi milti thi. Dispensary aur ghar par mareezon ka tanta laga rehta tha. Ek raat main thaka hua ghar aaya aur aate hi bistar par let gaya. Thodi der baad mulazim aakar bataya ke ek budhe mian aaye hain aur mujhe saath le jaana chahte hain. Maine inkaar kar diya, magar wo boodha mere kamre mein aa gaya aur minnat samajht karne laga ke mera beta bohot beemaar hai.
Pehle bhi aapki dawa se shifa hui thi, chal kar dekh lijiye. Magar thakan ki wajah se meri aankhein band ho rahi thi. Is liye maine sakhti se inkaar kar diya. Mulazim ne usay bahar nikala, to wo darwaze par dastak dene laga. Na jaane kab tak dastak deta raha, main so gaya. Subah utha to tabiyat par bara bojh tha. Afsos kar raha tha ke maine us boodhe ko kyun mayoos kiya.”
Dr. Burhan ne kaha, “Yani us waqt aapka zameer be-daar ho gaya tha.”
Dr. Zaidi ne bataya, “Bas yahi baat thi. Maine us boodhe ko dhoondhne ki koshish bhi ki, magar kahin pata na chala.”
Dr. Burhan kisi nateeje par pohanch gaye. “Wo boodha to chala gaya, magar ab kabhi kabhi aapka zameer darwaze par dastak deta rehta hai.”
Kuch der ruk kar unhone Dr. Zaidi ki taraf dekha, “Dr. Sahib!”
Dr. Zaidi bole, “Kaho beta!”
Dr. Burhan ne kaha, “Main unhi boodhe mian ka pota hoon, jiska beta us raat eediyan ragar ragar kar mar gaya tha.”
Dr. Zaidi bole, “Tum!”
Begum hairat se boli, “Burhan beta!”
Dr. Burhan uthte hue bole, “Accha khuda hafiz, Dr. Sahib! Itminan ke saath sochiye! Ab darwaze par dastak nahi honi chahiye.”
Moral of this Story
Is kahani ka sabak yeh hai ke madad ki pukar ko nazarandaz karna ya kisi ki zarurat ke waqt uska saath na dena insaan ke zameer par hamesha ek gehra bojh chhor jata hai. Jab hum thakan, laaparwahi ya apni masroofiyat ki wajah se dusron ki madad karne se katrate hain, to na sirf woh shaks jo hamari madad ka mohtaj hota hai, mushkil ka shikar hota hai, balki humein bhi us faisle ka bojh apni zindagi bhar uthana padta hai.
Kahani humein yeh samjhati hai ke insaniyat ka maqsad sirf apni zarurat ko poora karna nahi, balki dusron ki madad aur unki takleef ka ehsaas karna bhi hai. Dr. Zaidi ka zameer baar baar unhein yaad dilata raha ke ek marz ke waqt unhone ek zaruratmand boodhe ki madad nahi ki, jis ka anjaam ek zindagi khatam hone ki surat mein hua. Yeh afsos unke dil ko pareshaan karta raha, aur unki guilt ek “dastak” ki tarah bar-bar unhein is baat ka ehsaas dilata raha ke woh ek insani zimmedari poori karne mein nakam rahe.
Dr. Burhan ke anjaam par kehne se yeh baat aur saaf ho jati hai ke aaj hamare faisle kal hamare aur dusron ke mustaqbil par gehra asar daal sakte hain. Yeh kahani humein yeh naseehat deti hai ke zindagi mein kabhi bhi dusron ki madad karne se ghabrana nahi chahiye, chahe halat kitni bhi mushkil kyun na ho. Zameer ki “dastak” sunna aur uske mutabiq amal karna na sirf insaniyat ka taqaza hai, balki ek sukoon aur itminan ki zindagi jeene ka raaz bhi.
[…] Dastak […]